1116.
स्पष्ट जोडोनिया कर | मी दासानुदास अपार | प्रार्थना करुनि नमस्कार | उतरी पार भवाब्धि ॥१॥
निवृत्ति मुक्ताई परियेसी | योगीराज जाला उदयासी | वद्य कार्तिक मासी | आळंकापुरी जावे लागे ॥२॥
ज्ञानदेवे मागितला मान | देव वैष्णवांचे आगमन |येऊनि गंधर्वाचे विमान | विधि नारायण संपादिला ॥३॥
इंद्रनीळ पर्वत पुरातन | पुर्वी येथे ब्रह्मयाचे स्थान |कोंडण्यपुरी अंबिकाभुवन | महाब्रह्म योग माया ॥४॥
तिची भावे केली पुजा | परमार्थ साधिला स्वहित काजा | मुक्ताई आणि निवृत्तिराजा | सोपान सहजा सिद्ध जाले ॥५॥