716.
प्रेम देऊनि सरते केले ।
आपुल्या नामे गौरविले ।
माझिये वाचे श्रुंगारिले ।
गुणरत्नी अमोघां ॥१॥
सर्वगुणी गुणभरिता ।
सर्व रुपी रुपमंडिता ।
सर्वकळा तू कुशळता ।
साजती अनंता ब्रीदे चरणी ॥२॥
सर्व गोमटा धरीत्या नामे ।
सर्व गोमटा करीत्या कर्मे ।
गोमटा जाणत्या वर्मे ।
सर्वी सर्व गोमटा तू ॥३॥
मुख सुंदर अंगकांति ।
रुपसुंद मदनमूर्ति ।
यश सुंदर तुमची कीर्ती ।
अहो जगपती जगदानिया ॥४॥
निळा तुमचा शरणागत ।
तुमचे नामी ठेविले चित्त्‍ा ।
तुमच्या ब्रिदावळी पढत ।
करावा सनाथ म्हणउनी ॥५॥