818.
संतांचा महिमा तो बहु दुर्गम । शाब्दिकांचे काम नाही येथे ॥१॥
बहु दुधड जरी जाली म्‍हैस गाय । तरी होईल काय कामधेनु ॥२॥
तुका म्हणे अंगे व्हावे ते आपण । तरीच महिमान येईल कळो ॥३॥

अर्थ :
संतांचा महिमा समजण्यास फार कठीण आहे शब्दाने त्यांची थोरवी सांगता येणार नाही. कोरडी बडबड करणाऱ्यांचा येथे काही उपयोग नाही. म्हैस अथवा गाय हि मोठी चांगली व पुष्कळ दुध देणारी असली तरी ती काय कामधेनु होईल ? म्हणूनच आपण स्वतःसंत झालो तरच आपल्याला संतांचा मोठेपणा कळू शकेल