65.
एक ह्मणे धरी स्तन । याचे उपटीन कान ॥१॥
यशोदे तुला येईल राग । आपुल्या पोरा कांही सांग ॥२॥
अंधारी लपत । पोरे करिती आकांत ॥३॥
सांगतसो शिकवणा । खोडी नको करू कृष्णा ॥४॥
तोंड करूनि वांकडे । मला ह्मणे तशीच रडे ॥५॥
पोरा शिकवीत । गोरस आणारे समस्त ॥६॥
आह्मी निजलो समस्त । काजळ मुखासी लावीत ॥७॥
मेले आणूनिया सर्प । माझ्या पोरा दावी दर्प ॥८॥
योगियांचे नये लक्षा । त्यासी लावू ह्मणती शिक्षा ॥९॥
अनंत गार्‍हाणी । नामा ह्मणे कीर्ति वानी ॥१०॥