3272.
पांडुरंगे सत्य केला अनुग्रह । निरसोनि संदेह बुद्धीभेद ॥१॥
जीवशिवा शेज रचली आनंदे । आउटाविए पदी आरोहण ॥२॥
निजी निजरूपी निजविला तुका । अनुहाते बाळका हल्लरु गाती ॥३॥

अर्थ :
जीव आणि शिव यामध्ये भेद आहे हाच संदेह व बुध्दीभेद पाडूरंगाने नाहीसा केला व खरोखरच त्याने मला अनुग्रह केला. जीव आणि शीव यामधील भेद नाहीसा करुन आनंदाची शेज रचली व साडेतीन मात्रेचा ओंकाराच्या मूळ स्वरुपाच्या ठिकाणी मला त्याने स्थिर केले. तुकाराम महाराज म्हणतात, आणि या पाडूरंगाने मला नीजस्वरुपाच्या ठिकाणी निजविले आहे व अनुहात ध्वनीचा नाद माझ्या करमणूकीसाठी तो गात आहे.