426.
सुखवाटे येचि ठायी । बहु पायी संतांचे ॥१॥
म्हणऊनि केला वास । नाही नास ते ठायी ॥धृपद॥
न करवे हाली चाली । निवारिली चिंता हे ॥२॥
तुका म्हणे निवे तनु । रज:कणु लागता ॥३॥

अर्थ :
मला संतांच्या पाया जवळच खूप सुख वाटत आहे. येथे सुखाला कधीही नाश नाही म्हणून मी येथेच वास्तव्य केले. आता येथून ढळणे नाही, कसलेही खटाटोप नाहीत म्हणून माझी चिंता नाहीशी झाली. तुकाराम महाराज म्हणतात संतांचे रज: कण जरी शरीराला लागले तरी त्रिविध ताप नाहीसे होतात शरीर विश्रांत पावते.