1731.
दासा सर्वकाळ । तेथे सुखाचे कल्लोळ ॥१॥
जेथे वसती हरीचेदास । पुण्य पिके पापा नास ॥धृपद॥
फिरे सुदर्शन । घेऊनिया नारायण ॥२॥
तुका म्हणे घरी । होय म्हणियारा कामारी ॥३॥

अर्थ :
हरीदास जेथे असतात तेथे त्यांना सर्वकाळ सुखाच्या लाटा येत असतात. जेथे हरीचे दास राहातात तेथे पुण्य पिकते आणि पापाचा नाश होत असतो. हा नारायण भक्तांचे रक्षण करण्याकरता सदा सर्वकाळ सुदर्शन हातात घेऊन त्यांच्याभोवती फिरत असतो. तुकाराम महाराज म्हणतात, “हा हरी भक्तांचे सेवकत्व पत्करतो. ”