1730.
हरीच्या दासा भये । ऐसे बोलो ते ही नये ॥१॥
राहोनिया आड । उभा देव पुरवी कोड ॥धृपद॥
हरीच्या दासा चिंता । अघटित हे वार्ता ॥२॥
खावे ल्यावे द्यावे । तुका म्हणे पुरवावे ॥३॥

अर्थ :
हरीच्या दासांना भय असते असे बोलू देखील नये. देव त्यांच्या आड उभा राहून त्यांच्या सर्व इच्छा पूर्ण करत असतो. हरीच्या दासांना चिंता उत्पन्न होते ही वार्ता कधीही घडणे शक्य नाही. तुकाराम महाराज म्हणतात अहो देव हरीच्या दासांना म्हणजे त्याच्या दासांना खाण्यासाठी अन्न, अंगावर पाघरण्यासाठी वस्त्र देऊन सर्व त्यांचे मनोरथ पूर्ण करत असतो.