17.
हरिविण व्यर्थ आचार समर्थ । हरि हेचि हेत अरे जना ॥१॥
ते रुप पंढरी पुंडलिक संगे । एका नामे पांग पाश तोडी ॥२॥
सर्व ब्रह्मार्पण क्रिया करी जाण । वेद मते खुण ऐसी असे ॥३॥
निवृतिचा देव सर्व हा गोविंद । नाही भिन्न भेद विश्वी इथे ॥४॥

अर्थ:
हे लोक हो हरिविण कोणताही आचार श्रेष्ट नाही. हरिची प्राप्ती हाच समर्थ विचार आहे. त्या विठ्ठल नामाने सर्व पाश सुटतात तो श्री विठ्ठल पंढरीत उभा आहे. आपली सर्व कर्म त्याला अर्पण करावीत हे वेदांचे मत आहे. निवृतिनाथ म्हणतात हा माझा गोविंद भिन्न रुपात भासत असला तरी तो एकत्व रुपाने त्यात आहे.