393.
जडांतील शुद्धांश कौतुके रिझाला ।
निवृत्तीने दाविला कृपा करूनी ॥१॥
अनुहात भेद दाविला कृपेने ।
सर्व हे चैतन्य गमले तेंव्हा ॥२॥
ज्ञानदेव नयनी निवृत्तीचे पदी ।
आनंद ब्रह्मपदी एक झाला ॥३॥

अर्थ :
जड वस्तुतही शुद्धांश ब्रह्मरूप आहे. हे निवृत्तीनाथानी दाखविल्यामळे या जड वस्तुतील शुद्धांशाच्या ठिकाणी मला आनंद वाटला. श्रीगुरूनी योगाभ्यासा तील अनुहत ध्वनीचा जेंव्हा परिचय करून दिला. तेंव्हा हे जड पदार्थ चैतन्यरूप आहेत अशी माझी खात्री पटली. माझ्या डोळ्यातील श्री गुरूचरणातील व ब्रह्मपदांत असलेला आनंद एकच म्हणजे ब्रह्मानंद ठरला. असे माऊली ज्ञानदेव सांगतात.