361.
माता पिता बंधु भगिनी इष्टमित्र विठ्ठला तू रे ॥ध्रु.॥
बापा यावे भेटावे विसावा माझा गा तू |माझा कुळाचार माहेर रे जिव्हार विठ्ठला तू ॥१॥
माझे विद्याधन आयुष्य आरोग्यता विठ्ठला तू गा |माझे तप व्रत तीर्थ दान पुण्य विठोबा तू गा ॥२॥
माझा गुरूमंत्र दैवत आगम निगम विठ्ठला तू गा | भूपति सुरपति ब्रह्ममूर्ति विठोबा तू गा ॥३॥
माझा आचार विचार सत्यवादी धीर धर्म विठोबा तू गा |यश कीर्ती निव्रुत्ति आता माझी त्रुप्ति विठोबा तू गा ॥४॥
माझे यम नियम प्राणायामप्रत्याहार विठ्ठला तू गा |नामा म्हणे विठोबा केशव परमात्मा माझा तू गा ॥५॥