992.
नये पाहो मुख मात्रागमन्याचे । तैसे अभक्ताचे गुरुपुत्रा ॥१॥
म्हणऊनि बरे धरिता एकांत । तेणे नव्हे घात भजनासी ॥धृपद॥
नये होऊ कदा निंदकाची भेटी । जया द्वैत पोटी चांडाळाच्या ॥२॥
तुका म्हणे नका बोलो त्यासी गोष्टी । जयाचिये दृष्टी पाप वाढे ॥३॥

अर्थ :
जो नालायक प्रत्येक्ष मात्रा गमान्य म्हणजे आईशी संबंध ठेवणारा असतो त्याच्याशी संबंध ठेऊ नये तसेच गुरूची निंदा करणाऱ्या शिष्याचे हरी भक्ताची निंदा करणाऱ्याचे तोंड पाहू नये. म्हणून एकांत धरणे केंव्हाही चांगले त्यामुळे आपल्याला भजनास व्यत्येय येत नाही. कधीही निंदकाची भेट होऊ नये कारण त्या चांडाळाच्या पोटी कपट असते. तुकाराम महाराज म्हणतात ज्याला पाहिल्यावर पाप वाढते अश्या माणसाशी कधी बोलू नये.