2212.
आगी लागो तया सुखा । जेणे हरी नये मुखा ॥१॥
मज होत का विपित्त । पांडुरंग राहो चित्ती ॥धृपद॥
जळो ते समूळ । धन संपित्त उत्तम कुळ ॥२॥
तुका म्हणे देवा । जेणे घडे तुझी सेवा ॥३॥

अर्थ :
अशा सुखाला आग लागो की ज्या सुखा मुळे हरिनाम मुखात येत नाही. माझ्यावर कितीही विपत्ती आली तरी चालेल पण माझ्या चित्तात पांडुरंग रहावे. संपत्ती धन आणि उत्तम कुळ जळून जावो जर हरिनामच मुखात येत नसेल तर. तुकाराम महाराज म्हणतात देवा जेणेकरून मला तुझी सेवा घडेल अशीच स्थिती मला प्राप्त होवो.