929.
आम्हा अवघे भांडवल । एक विठ्ठल एकला ॥१॥
कायावाचामनोभावे । येथे जीवे वेचलो ॥धृपद॥
परते काही नेणे दुजे । तत्त्वबीजे पाउले ॥२॥
तुका म्हणे संतसंगे । येणे रंगे रंगलो ॥३॥

अर्थ :
एक विठ्ठलच येथे आम्हाला भांडवल आहे. काय वाचा मन भावाने आम्ही आमचा जीव या हरीच्या चरणी अर्पण केला आहे. हे विठ्ठला तुमचे चरण हे सर्व तत्त्वाचे बीज आहे या वाचून आम्ही दुसरे काहीच जाणत नाही. तुकाराम महाराज म्हणतात संत संगतीने मी हरीच्या रंगात रंगू गेलो आहे.