1696.
सांगता गोष्टी लागती गोडा । हा तो रोकडा अनुभव ॥१॥
सुख जाले सुख जाले । नये बोले बोलता ॥धृपद॥
अंतर ते नये दिसो । आता सोस कासया ॥२॥
तुका म्हणे नाही भेद । देवा करू नये वाद ॥३॥

अर्थ :
देवाच्या गोष्टी सांगताना फार गोड वाटतात कारण हा माझा प्रत्यक्ष अनुभव आहे. त्यामुळे मला खूपच सुख झाले आणि ते मी माझ्या मुखाने देखील सांगू शकत नाही. हरित आणि माझ्यात कोणतेच अंतर राहिले नाही मग आता कष्ट तरी कशाकरता करू ? तुकाराम महाराज म्हणतात आता जे सुख प्राप्त झाले आहे तेच आपल्या जिवाशी धरू आणि त्याचे जतन करू.