591.
प्रीतिभंग माझा केला पांडुरंगा । भक्तिरस सांगा का जी तुह्मी ॥१॥
न म्हणऊनि काही न ठेवीचि उरी । आलो वर्मावरी एकाएकी ॥धृपद॥
न देखोचि काही परती माघारी । उरली ते उरी नाही मुळी ॥२॥
तुका म्हणे आला अंतरासी खंड । तरि माझे तोंड खवळिले ॥३॥

अर्थ :
अहो पांडुरंगा तुम्ही माझ्या भक्तिरसाचा प्रीतीचा भंग केला आहे की नाही ते तुम्ही सांगा ? म्हणूनच मी तुमच्या मोठे पणाचा पर्वा ठेवणार नाही. म्हणूनच आम्ही एकेकी वर्मावर आलो आहे. आता तुमची निंदा करताना मी मागे पुढे पाहणार नाही, कारण आता तुमचे व आमचे काहीच नाते उरले नाही. तुकाराम महाराज म्हणतात आता अंतरासी अंतर म्हणजे तुमच्यात व आमच्यात अंतर पडले आहे त्यामुळे मी आता तोंड खवळीले आहे.