415.

श्रीस्वामीसमर्थ आरती

जय देव जय देव जय श्रीस्वामीसमर्था । आरती ओवाळू चरणी ठेवुनिया माथा ॥धृ॥
छेली खेडेग्रामी तू अवतरलासी । जगदुद्धारासाठी राया तू फिरसी ।
भक्तवत्सल खरा तू एक होसी । म्हणुनि शरण आलो तुझे चरणासी ॥१॥
ञैगुणपरब्रम्ह तूझा अवतार । त्याची काय वर्णू लीला पामर ।
शेषादिक शिणले । नलगे त्या पार । तेथे जडमूढ कैसा करु मी विस्तार ॥२॥
देवादीदेव तू स्वामीराया । निर्जर मुनिजन ध्याती भावे तव पाया ।
तुजसी अर्पण केली आपुली ही काया । शरणागता तारी तू स्वामीराया ॥३॥
अघटित लीला करूनी जडमूढ उद्धरिले । कीर्ती ऐकुनि कानी चरणी मी लोळे ।
चरण-प्रसाद मोठा मज हे अनुभवले । तुझ्या सुता नलगे चरणा वेगळे ॥४॥