708.
आम्हापाशी याचे बळ । कोण काळवरी तो ॥१॥
धरूनि ठेलो जीवेसाठी । होय भेटी तोवरी ॥धृपद॥
लागलो तो न फिरे पाठी । पडिल्या गाठी वाचूनि ॥२॥
तुका म्हणे अवकाश । तुमच्या ऐसे व्हावया ॥३॥

अर्थ :
देवाचे बळ आमच्यापाशी किती काळ चालणार आहे ? जोपर्यंत देवाची आणि आमची भेट होत नाही तोपर्यंत आम्ही त्याला आमच्या हृदयात भरून ठेवू. गाठ झाल्या शिवाय आम्ही याची पाठ सोडणार नाहीत तोवर आम्ही देवाच्या मागे फिरणार. तुकाराम महाराज म्हणतात तुमच्या सारखे होण्यास आजून काही काळ बाकी आहे. त्यानंतर आपले ऐक्य होईलच.