2549.
भेद तुटलियावरी । आम्ही तुमचीच हो हरी ॥१॥
आता पाळावे पाळावे । आम्हा लडिवाळांचे लळे ॥धृपद॥
आणिकाची देवा । नाही जाणतचि सेवा ॥२॥
तुका म्हणे हेवा । माझा हेत पायी देवा ॥३॥

अर्थ :
अहो हरी एकदा की तुमच्यातील व माझ्यातील भेद नाहीसा झाला की आम्ही तुमचेच आहोत. त्यामुळे हे हरी आम्ही तुझे लाडके भक्त आहोत त्यामुळे आमच्या लाडक्या भक्तांचे तुम्ही लाड सांभाळ करावेत. तुझ्या वाचून देवा आम्ही कोणाचीही सेवा करण्याचे जाणत नाहीत. तुकाराम महाराज म्हणतात देवा माझा सर्व हेवा तुमच्या पाया जवळच आहे.