2497.
सरलियाचा सोस मनी । लाजोनिया राहिलो ॥१॥
आवडीने बोलावितो । येथे ते तो लपावे ॥धृपद॥
माझे ते चि मज द्यावे । होते भावे जोडिले ॥२॥
तुका म्हणे विश्वंभरा । आळीकरा बुझावा ॥३॥

अर्थ :
देवा माझ्या मनातून तुझे भक्ती प्रेम सरले आहे आणि त्याच्या विषय पुन्हा हेवा मनात वाढत आहे परंतु तुला ते कसे मागावे यामुळे मला लाज वाटत आहे. देवा मी तुला आवडीने बोलवतो आणि येथे न येता तु लपून बसतोस. देवा मी आज पर्यंत भक्तिभावाने जे काही मिळवले तेच तुम्ही माझे मला द्यावे. तुकाराम महाराज म्हणतात हे विश्वंभरा आम्ही हट्ट करणारे आहोत त्यामुळे तुम्ही आमचे हट्ट पूर्ण करा.