3706.
कामे पीडिलो माया । बहु मारी नाही दया ॥१॥
तुझ्या राहिलो आधारे । झाले अवघेचि बरे ॥धृपद॥
तुझे लागलो संगती । आता येतो काकुळती ॥२॥
तुका म्हणे तुझ्या भिडा । कान्होबा हे गेली पीडा ॥३॥

अर्थ :
मी काम (वासना)मुळे त्रासुन गेलो आहे. माया मला जन्ममृत्यूच्या दारात सारखी मारत आहे, तिला जराहि मया-दया नाही. देवा मी तुझ्या आधाराने राहिलो; त्यामुळे सर्वत्र चांगले झाले आहे. तुझ्या संगतिला आलो म्हणून काकुलतीला आलो आहोत. तुकाराम महाराज म्हणतात, हे कान्होबा, तुझ्या भिड़ेमुळे आमची पीड़ा दूर गेली.