170.
योगिया मुनीजना ध्यानी । ते सुख आसनी शयनी ॥
हरिसुख फावले रे ॥
गोकुळींच्या गौळिया । गोपी गोधना सकळा ॥
बापरखुमादेविवर विठ्ठले । ते सुख सवंगडीया दिधले ॥

अर्थ :
योगी व मुनीजन यांच्या ध्यानातील सुख गोकुळवासियांना घरात पडल्या पडल्या ते सुख मिळाले. ते गोकुळीच्या गवळ्यांनाच नाही तर गोपी, गाई व गोधनासकट सगळ्यांना मिळाले. माझे पिता व रखुमाईचे पती श्री विठ्ठल यांनी ते सुख सर्वांना दिले असे माऊली सांगतात.