2557.
कार्यचि कारण । तृष्णा पावविते सीण ॥१॥
काय करुनि ऐसा संग । सोसे चिंतू पांडुरंग ॥धृपद॥
रूपी नाही गोडी । हावे हावे ऊर फोडी ॥२॥
तुका म्हणे पडे भारी । ऐशा वरदळाचे थोरी ॥३॥

अर्थ :
कार्य कारण या भावने मुळेच दुःख होते आणि प्रपंचातील इच्छे मुळेच शीण होत असतो. असे जर असेल तर मग अशा खोट्या प्रपंच्याचा संग करून काय उपयोग आहे मग त्यापेक्षा मनाच्या हौसेने पांडुरंगाचे चिंतन करू. ज्या पांडुरंगाच्या रूपाविषयी गोडी पाहिजे ती गोडीच नसून मनुष्य प्रपंचातील हाव वाढवतो आणि उरु फोडून घेतो म्हणजेच खूप कष्ट करत असतो. तुकाराम महाराज म्हणतात अशा अल्प आणि बाह्यकारी सुखाच्या भरीला मूर्ख मनुष्य पडलेले असतात.