3407.
हरीकथे नाही । विश्वास ज्याचे ठायी ॥१॥
त्याची वाणी अमंगळ । कान उंदराचे बीळ ॥धृपद॥
सांडुनि हा रस । करिती आणीक सायास ॥२॥
तुका म्हणे पिसी । वाया गेली किती ऐसी ॥३॥

अर्थ :
ज्याच्या ठिकाणी हरीकथेविषयी विश्वासच नाही, त्याची वाणी अमंगळ आहे आणि कान म्हणजे उंदराचे बीळ आहे. हरीकथेसारखा अमृत रस टाकून हरीप्राप्तीसाठी इतर कष्टदायक साधने काही लोक करतात. तुकाराम महाराज म्हणतात, असे कितीतरी वेडे आहेत की ज्यांनी हरीभक्तीचा आनंद सोडून दिला आणि हरीप्राप्तीसाठी इतर साधने केली ती वायाला गेलेले आहेत.