2039.
जेथे माझी दृष्टी जाय । तेथे पाय भावीन ॥१॥
असेन या समाधाने । पूजा मने करीन ॥धृपद॥
अवघा च अवघे देसी । सुख घेवविसी संपन्न ॥२॥
तुका म्हणे बंधन नाही । ऐसे काही ते करू ॥३॥

अर्थ :
देवा माझी दृष्टी जेथे जेथे जाईन तेथे तेथे तुझे पाय आहेत अशीच भावना माझी आहे. तुझी पूजा मी मनामध्येच नेहमी करेन व त्याच समाधानाने राहील. देवा तु सर्व सुखाची राशी आहेस सर्व सुखसंपन्न आहेस सर्व देशांमध्ये तूच व्यापलेला आहेस. तुकाराम महाराज म्हणतात आता आपल्या काणतेच बंधनच राहणार नाही असाच काही तरी आपण उपयोग करू.