3063.
पतिव्रता ऐसी जगामध्ये मात । भोगी पाच सात अंधारी ते ॥१॥
भ्रतारासी लेखी श्वानाचे समान । परपुरुषी मन संभ्रम तो ॥२॥
तुका म्हणे तिच्या दोषा नाही पार । भोगील अघोर कुंभपाक ॥३॥

अर्थ :
एखादया स्त्रीची जगामध्ये पतीव्रता म्हणून ख्याती असते परंतू ती अंधारामध्ये पाच सात जणांचा भोग घेते. स्वत:च्या नवऱ्याला ती कुत्र्यासमान समजते आणि परपुरुषाच्या ठिकाणी तिचे मन गुंतलेले असते. तुकाराम महाराज म्हणतात, अशा स्त्रीच्या दोषाला अंत:पारच नाही ती अघोर असा कुंभीपाक नरक भोगेल.