44.
आशाबद्ध जन । काय जाणे नारायण ॥१॥
करी इंद्रियांची सेवा । पाहे आवडीचा हेवा ॥धृपद॥
भ्रमले चावळे । तैसे उचित न कळे ॥२॥
तुका म्हणे विषे । अन्न नाशियले जैसे ॥३॥

अर्थ :
प्रपंच्याविषयी आसक्त असणारे जिव परमेश्वराला काय जाणून घेऊ शकतात ? त्यांना स्वता::च्या इंद्रियाची सेवा करण्यास आनंद वाटतो. तो भ्रमिष्ट स्वता::च्या जीवनाचे हित जाणु शकत नाही. तुकाराम महाराज म्हणतात, सुग्राम अन्नात विष कालवले असता ते सर्व अन्न वाया जाते, त्या प्रमाणे मनात भोगलालसा असणाऱ्या जीवाचे जीवन व्यर्थ जाते.