43.
पवित्र सोंवळी । एक तीच भूमंडळी ॥१॥
ज्यांचा आवडता देव । अखंडित प्रेमभाव ॥धृपद॥
तीच भाग्यवंते । सरती पुरती धनवित्ते ॥२॥
तुका म्हणे देवा । त्यांची केल्या पावे सेवा ॥३॥

अर्थ :
या भुमंडळी संतसज्जनच एक पवित्र, शुद्ध आहेत. त्यांच्या मनात फक्त परमेश्वराविषयीच प्रेम, भक्ति असते. धनद्रव्याने समृद्ध, बुद्धिने तल्लख असे ते संत या जगात भाग्यवंत आहेत. तुकाराम महाराज म्हणतात अशा संतसज्जनाची सेवा केली तर ती देवाला पावते.