647.
आले भरा केणे । येरझार चुके जेणे ॥१॥
उभे केले विटेवरी । पेठ इनाम पंढरी ॥धृपद॥
वाहाती मारग । अवघे मोहोरले जग ॥२॥
तुका म्हणे माप । खरे आणा माझे बाप ॥३॥

अर्थ :
पंढरीच्या बाजारात जन्म मरण चुकते असा माल आला आहे. तो तुम्ही घ्या जेथे पुंडलीकाने पांडुरंग पपरमात्म्याला विठेवर उभा केला आहे अशा पंढरी गावात इनामाची पेठ भरले आहे. तो माल घेण्याकरता सर्व जण सरसावले आहेत. तुकाराम महाराज म्हणतात बापहो, तुम्हाला जर हा माल हवा असेल तर तुम्ही खरे माप (म्हणजे भक्ती भावाने तिथे जा. ) घेवून या.