648.
लक्ष्मीवल्लभा । दिनानाथा पद्मनाभा ॥१॥
सुख वसे तुझे पायी । मज ठेवी तेचि ठायी ॥धृपद॥
माझी अल्प हे वासना । तू तो उदाराचा राणा ॥२॥
तुका म्हणे भोगे । पीडा केली धाव वेगे ॥३॥

अर्थ :
हे लक्ष्मी वल्लभा, दिनाच्या नाथा हे पद्मनाभा तुझ्या पायी सुख आहे मला त्याच ठिकाणी ठेव. माझी एक छोठीशी इच्छा आहे तू तर फार उदार आहेस, तू उदारांचा राजा आहेस. तुकाराम महाराज म्हणतात माझ्या भोगाने मला फार पिडा होत आहे म्हणून तू त्वरेने धाव घे.