1279.
प्रपंच वोसरो । चित्त तुझे पायी मुरो ॥१॥
ऐसे करी गा पांडुरंगा । शुद्ध रंगवावे रंगा ॥धृपद॥
पुरे पुरे आता । नको दुजियाची सत्ता ॥२॥
लटिके ते फेडा । तुका म्हणे जाय पीडा ॥३॥

अर्थ :
देवा माझे चित्त प्रपंचातून ओसरो आणि ते चित्त तुझ्या पायी लागो. हे पाडूरंगा तू असेच काहीतरी कर माझे चित्त तुझ्या शुध्द स्वरुपाच्या रंगात रंगून टाकावे. देवा आता पुरे झाले माझ्यावर दुसऱ्या कोणाचेही आता सत्ता नको आहे. तुकाराम महाराज म्हणतात, “देवा सर्व खोटयाचे तुम्ही निवारण करा म्हणजे माझ्या जन्ममरणाची पीडा जाईल. ”