2023.
मागणे ते मागो देवा । करू भक्ती त्याची सेवा ॥१॥
काय उणे तयापाशी । रिद्धीसिद्धी ज्याच्या दासी ॥धृपद॥
कायावाचामन । करू देवा हे अर्पण ॥२॥
तुका म्हणे विश्वंभर । ज्याच्याने हे चराचर ॥३॥

अर्थ :
आम्हाला जर काही पाहिजे असेल तर आम्ही ते देवाला मागु आणि त्याचीच भक्ती करू व सेवा करू. आहो त्याच्याजवळ काय कमी आहे रिद्धी सिद्धी तर त्याच्या दासी आहेत. आम्ही आमचे काया वाचा आणि मन हे देवाला अर्पण करू. तुकाराम महाराज म्हणतात विश्वंभरा मुळे हे चराचर आहे त्या विश्वंभरा जवळ काय कमी आहे ?