984.
याचि नावे दोष । राहे अंतरी किल्मिष ॥१॥
मना अंगी पुण्य पाप । शुभ उत्तम संकल्प ॥धृपद॥
बिजाऐसी फळे । उत्तम का अमंगळे ॥२॥
तुका म्हणे चित्त । शुद्ध करावे हे हित ॥३॥

अर्थ :
अंतःकरणात कोणत्याही प्रकारचा संशय ठेवणे हा दोष होय. मनात जर शुभ संकल्प तयार केले तर पुण्य व अशुभ संकल्प निर्माण केले तर पाप होते या करिता मनात शुभ संकल्प मानत ठेवावे. जसे बीज असते त्याप्रमाणे चांगले वाईट फळ येते. तुकाराम महाराज म्हणतात आपले हृदय शुद्ध करावे यातच आपले हित आहे.