21.
श्रुतिस्मृति वचन तो । गुह्यागुह्य तो गे बाई ॥
जागता निजता तो । निज चेवविता तो गे बाई ॥
परात्परा तो । रखुमादेविवरू तो गे बाई ॥

अर्थ :
श्रुती व स्मृतीनी सांगितलेली वचने तोच असुन तोच गौप्याचे गौप्य आहे म्हणजेच गुप्ताचे गुप्तत्व आहे. ज्ञानाने जागवणारा व अज्ञानामुळे झोपवणारा तोच असुन तो जीवाला चेतवणारा (चैतन्य रुप)ही तोच आहे. मायेच्या पलिकडील तोच रखुमाईचा पती आहे असे माऊली सांगतात.