52.
दिनांचा दयाळू पतितांचा पावन । सर्वसुखनिधान पांडुरंग ॥
घडी घडी आठव करावा तयांचा । धोका कळीकाळाचा नाही त्यासी ॥
पांडव जयाने रक्षीले जो हरि । ते नेले विवरी काढूनिया ॥
प्रल्हादाचा पिता चिंतीत वोखटे । करितसे गोमटे वेगळाची ॥
बांधोनी पाषाण सागरी लोटिला । तो पहा तारिला वरचेवरी ॥
जैसे आणिक पतित बहु उध्दरिले । आठवा रे पाऊले त्यांची वेगी ॥
बोधला म्हणे ऐशा देवा शरण जावे । भवसागर तरावे हेळामात्रे ॥