1095.
निवृत्तीदेव म्हणे सांगतो या वाचे | राहाणे चौघांचे एकरूप ॥१॥
त्रिवेणीचा ओघ जैसा एके ठायी | तैसी मुक्ताबाई आम्हांमध्ये ॥२॥
ब्रह्माविष्णुहर जैसे एके ठायी | तैसी मुक्ताबाई आम्हांमध्ये ॥३॥
रज तम गुण सत्व गुणाठायी | तैसी मुक्ताबाई आम्हांमध्ये ॥४॥
भूचरी खेचरी चांचरी ते पाही | अगोचरा ठायी मुक्तगंगा ॥५॥
प्रथम ज्ञानेश्वरे काढियेली वाट | धरियेले वैकुंठ आळंकापुरी ॥६॥
इंद्रनीळ पर्वत नेमिला सोपाना | निवृत्तीसी जाणा त्रिंबकेश्वर ॥७॥
चौथी मुक्ताबाई नेमियली तापी | नामा म्हणे ख्याती केली यांनी ॥८॥