16.
आकार स्थुळ नाशिवंत । हे तरी जाईल भुमिआंत ।
तयावरी हरि चालत । तेणे होईल कृतकृत्य ॥१॥
देह जावो अथवा राहो । पांडुरंगी दृढ भावो ॥२॥
दूजा गुण आपी मिळे । तरी मी होईन गंगाजळे ।
हरि अभिषेक अनुदिनी । सुखे सर्वांगावरी खेळे ॥३॥
तिजा गुण तेजरुप । तरि मी होईन महृदीप ।
हरि रंगणी दीपमाळा । दीप उजळीन समीप ॥४॥
वायु व्यापक चौथा गुण । तरि मी विंजणा होईन ।
हरि अष्टांगे निववीन । ऐशा दृढ धरीन खुणा ॥५॥
आकाश पांचवा गुण । तरी मी प्रासादी राहेन ।
बापरखुमादेविवरा । अखंड तुझे अनुसंधान ॥६॥