94.
गौळणी दर्शन उत्सुकता.

उठोनी प्रात:काळी गौळणी बोलती । जाईल श्रीपती वना आता ॥१॥
चला जाऊ आता पाहू गे श्रीमुख । हरेल ही भूक डोळियांची ॥२॥
तांतडीने येती नंदाचिया घरा । मुख दावी उदारा कृष्णराया ॥३॥
कुरळे हे केश सुहास्य वदन । आकर्ण नयन शोभ-ताती ॥४॥
अरुणोदय प्रभा अधरी दिसती । हिरे झळकती दंत तुझे ॥५॥
भोंवया व्यंकटा सरळ नासिक । पाहोनिया मुख सुख होय ॥६॥
लल्लाटी शोभत केशराचा टिळा । वर बिंदु रेखिला कस्तु-रीचा ॥७॥
वैजयंती माळा किरीट कुंडले । नामयाने केले निंबलोण ॥८॥