686.
जो मानी तो देईल काई । न मानी तो नेईल काई ॥१॥
आम्हा विठ्ठल सर्वभूती । राहो चित्ती भलतैसा ॥धृपद॥
आधीन ते जना काई । जल्पे वायाविण ठायी ॥२॥
वंदी निंदी तुज तो गा । तुका म्हणे पांडुरंगा ॥३॥

अर्थ :
या जगात जो आम्हाला मान देतो तो आम्हाला काय देणार आणि जो आम्हाला मानीत नाही तो आमचे काय नेणार आमच्या साठी सर्व भूती तो विठ्ठल आहे. वाटेल तर तो आमच्या चित्ती राहो. आपल्या जवळ काही नसताना लोक आपल्या ठिकाणी अभिमान बाळगत असतात. तुकाराम महाराज म्हणतात कोणी आम्हाला वंदन केले काय किंवा कोणी आमची निंदा केली काय ते सर्व तुलाच कडे लागते विठ्ठला.