1112.
पूवकथा संवत्सरनगरी | सांगितली असे अवधारी | मग शोषाद्रि पर्वतावरी | गरुड शिखरी उभा असे ॥१॥
धन्य धन्य हा सोपान | धन्य समाधि संपूर्ण | प्रत्यक्ष येऊनि नारायण | अभयदान दिधलेंसे ॥२॥
अनंत वैष्णव प्रेमळ | दिडी पताका टाळ घोळ | रामकृष्ण नाम सरळ | भक्त सर्वकाळ नाचती ॥३॥
दिव्य उतरली विमाने | देव वर्षेती सुमने |इंद्र चंद्र देवगणे | लोटांगण घालती ॥४॥
समाधिसुखाचा आनंद | अंगे करीतसे गोविद |कथा सांगितली अभेद | श्रोते सन्निध सकळी ॥५॥
म्हणती धन्य धन्य सोपान | देव पुरुष चतुरानन |संत महंत वैष्णव प्रमाण | रामकृष्ण गाताती ॥६॥
नामा म्हणे देवराव | मनोरथ पूर्ण करोनि सर्व | अपार गुणकीति लाघव | न कळे माव कोणाशी ॥७॥