1966.
पतित मिरासी । ते म्या धरिला जीवेसी ॥१॥
आता बळिया सांग कोण । ग्वाही तुझे माझे मन ॥धृपद॥
पावणांचा ठसा । दावी मज तुझा कैसा ॥२॥
वाव तुका म्हणे जाले । रोख पाहिजे दाविले ॥३॥

अर्थ :
देवा माझी तर वतन दारीच पाप करण्याची आहे आणि तिच मी जतन करुन जीवाशी धरून ठेवली आहे. आता आपल्या दोघामध्ये बलवान कोण आहे ते तूच सांग आणि त्याला साक्ष म्हणजे तुझे आणि माझे मनच आहे. देवा मी तर पतीत आहे परंतु तु पावन आहेस याचा ठसा मला तु दाखव. तुकाराम महाराज म्हणतात देवा तु पतीत पावन आहेस तर मला ते तु रोख पणाने दाखविले पाहिजेना.