64.
बोलायाचा त्यासी । नको संबंध मानसी ॥१॥
जया घडली संतनिंदा । तुज विसरूनि गोविंदा ॥धृपद॥
जळो त्याचे तोंड । नको दृष्टीपुढे भांड ॥२॥
तुका म्हणे देवा । तया दुरी मज ठेवा ॥३॥

अर्थ :
जे संतांची निंदा करणारे नास्तिक लोक असतात त्यांचा माझा संबध येऊ नये. हे गोविंदा, जे तुला विसरतात, ते संतांची निंदा करतात. अश्या नास्तिकांचे तोड पाहण्याची देखील माझी इच्छा नाही, असे लोक माझ्या दृष्टिस पडू नयेत. तुकाराम महाराज म्हणतात, हे परमेश्वरा, मला त्यांच्यापासून दूर ठेव.