778.
बीजापोटी पाहे फळ । विध न करिता सकळ ॥१॥
तया मूर्ख म्हणावे वेडे । कैसे तुटेल साकडे ॥धृपद॥
दावितिया वाट । वेठी धरू पाहे चाट ॥२॥
पुढिल्या उपाया । तुका म्हणे राखे काया ॥३॥

अर्थ :
जमिनीची कुठल्याही प्रकारची निगा न करता (नांगरणी, खुरपणी, बि पेरणे इ. ) जो फक्त फळाची अपेक्षा करतो, अशा माणसांना मूर्ख म्हणावे. त्याची पुढील संकटे कशी नाहीशी होतील ? जो मार्ग दाखवितो त्यालाच वेठबीगारीला जो धरतो, असा माणूस निंद्य होय. तुकाराम महाराज म्हणतात पुढे ईश्वर प्राप्ती करून घेण्यासठी शरीराचे रक्षण करावे.