1003.
भक्त अमर स्वस्तिक्षेम | चरणरजे डौरले व्योम | मग कैलासी मंदाकिनी सोम | नीळकंठे सिरी धरियेली ॥१॥
धन्य विष्णुचरणींची गंगा | स्नपन होत महालिंगा | भीमरथी म्रुत्युलोकी सवेगा | इंद्रायणीसमरसे ॥२॥
भोगावती पाताळात गेली | मग विष्णुचरणी गुप्त ठेली | मग पुरोनिया उरली | त्र्यंबक सिखरी ॥३॥
मग कितेका काळे भागीरथी | भगीरथे आणिली भारथी |सगर उद्धरिले त्वरिती | विष्णुतीर्थे करुनिया ॥४॥
ऐसी त्रिभुवनी ज्याची थोरी | तो मुकुटमणी हा हो श्रीहरी | त्यांते सोडिलिया मुक्ति चारी |काय आम्हा तारिती ॥५॥
सर्वे तीर्थे ज्याचे रंक | आम्ही तयाचे सेवक | ज्याचेनि नामे हे त्रैलोक्य | नामा घेता तरत ॥६॥
तो पूर्ण बीजमंत्र आम्ही जाणो | विष्णुविण कांही नेणो | पूर्ण ब्रह्म काय म्हणो | हा महिमा तू जाणसी ॥७॥
ज्ञानदेवे नमस्कारिले हरी | निव्रुत्ति सोपान झडकरी |मुक्ताई भेटली लवकरी |ज्ञानदेवा करी धरियले ॥८॥