386.
सद्गुरू निवृत्ति दिसतो घनदाट ।
सुषुप्तीचा घाट वेधतांची ॥१॥
आत्मा माया शिव शक्तीचे हे रूप ।
दिसते चिद्रूप अविनाश ॥२॥
ज्ञानदेव चढे ऐसी वाट देख ।
आकाशी असे मुख तिचे कैसे ॥३॥

अर्थ :
ज्ञानघन श्रीगुरू निवृत्तिरायांचे दर्शन सुषुप्तीचा घांट ओलांडल्या नंतर होते. निवृत्तीराय म्हणजेच ब्रह्म आहे. ते अविनाशी, चिद्रूप, आत्मा, माया, शिवशक्ती यांचे ही रूप तेच आहे. आम्ही या वाटेने गेलो त्या आश्चर्याची गोष्ट ही की तिचे तोंड आकाशाकडे आहे. याचा अर्थ ही वाट कठीण आहे.
असे माऊली ज्ञानदेव सांगतात.