386.
अवतारांच्या पंगती हे लीला कवणाची ।
जाणती हे चासी स्वानुभवी ॥१॥
आणिकांसी न कळे जाले थोर थोर ।
पाहिजे तो शूर ज्ञानवंत ॥२॥
सत्रावीस काय उन्मनी बोलती ।
प्रेम वाहे म्हणती कोणा सांगो ॥३॥
मूळमाया निवृत्ति गुणसाम्य प्रकृति ।
कोणासी म्हणती सांग कैसे ॥४॥
अद्वय जे होते द्वैतासी आणिले ।
हे कोणाचेनि आले जाणावया ॥५॥
एकी हा अनेक अनेकी हा एक ।
अन्वय व्यतिरेक कैसा सांग ॥६॥
बहेणि म्हणे याची केली ब्रह्मकळा ।
म्हणोनि अंबेला शरणांगत ॥७॥