1677.
पिंड पदावरी । दिला आपुलिया करी ॥१॥
माझे जाले गयावर्जन । फिटले पितरांचे ॠण ॥धृपद॥
केले कर्मांतर । बोंब मारिली हरीहर ॥२॥
तुका म्हणे माझे । भार उतरले ओझे ॥३॥

अर्थ :
मी माझ्या हाताने माझा पिंड विष्णू पदावर ठेवला आहे. त्यामुळे गया या तीर्थ ठिकाणी जाऊन पिंडदान करण्याची मला गरज नाही व त्यामुळेच पित्रांचे देखिल ऋण फिटले आहे. सर्व कर्म करून मी हरी आणि हर या नामाचे बोंब मारली आहे. तुकाराम महाराज म्हणतात आता माझ्या वरील सर्व पितरांचे जे काही ऋण ओझे होते ते उतरले आहे.