1678.
मथुरेच्या राया । माझे दंडवत पाया ॥१॥
तुमचे कृपेचे पोसने । माझा समाचार घेणे ॥धृपद॥
नाम धरिले कंठी । असे आर्तभूत पोटी ॥२॥
जीवीचे ते जाणा । तुका म्हणे नारायणा ॥३॥

अर्थ :
हे मथुरेच्या राजा श्रीकृष्ण तुझ्या पायी माझे दंडवत आहे. मी तुमच्या कृपेने पोहोचला जाणारा भक्त आहे त्यामुळे तुम्ही माझा समाचार घ्यावा. आणि हीच माझी अर्त भूत इच्छा माझ्या पोटी आहे त्यामुळे मी तुमचे नाम माझ्या कंठात धारण केले आहे. तुकाराम महाराज म्हणतात हे नारायणा तुम्ही माझ्या मनातील सर्व ओळखा.