828.
साधक जाले कळी । गुरुगुडीची लांब नळी ॥१॥
पची पडे मद्यपान । भांगभुर्का हे साधन ॥धृपद॥
अभेदाचे पाठांतर । अति विषयी पडिभर ॥२॥
चेल्यांचा सुकाळ । पिंड दंड भगपाळ ॥३॥
सेवा मानधन । बरे इच्छेने संपन्न ॥४॥
सोंगाच्या नरकाडी । तुका बोडोनिया सोडी ॥५॥

अर्थ :
कलीयुगामध्ये असे काही ढोंगी साधू आहेत कि ते गुरगुडी ओढतात. मध्यपान भांग दारू इत्यादी मद्यापाचे सेवन करतात. अद्वैताचे वर्णन मोठ्या नाटकी स्वरूपाने सांगतात, पण खरे तर तेच विषयांच्या मध्ये पडलेले असतात. अश्या या साधुंचे शिष्य हि खूप असतात पण ते आडदांड असतात, काहीगुरू शिष्यांकडू मान आणि धन मिळवतात, तुकाराम महाराज म्हणतात असे सोंग आणणारे साधू नरकात नक्कीच जातात आणि हा तुकाराम त्यांची फजिती करतो.