3569.
(पंढरीस जाणाऱ्या वारकऱ्यांबरोबर देवास पत्र)
परिसोनि उत्तर । जाब देईजे सत्वर ॥१॥
जरी तू होसी कृपावंत । तरि हा बोलावी पतित ॥धृपद॥
नाणी काही मना । करूनि पापाचा उगाणा ॥२॥
तुका म्हणे नाही । काय शक्ती तुझे पायी ॥३॥

अर्थ :
हे देवा मी तुला पाठवलेल्या निरोपाचे पत्र तू वाच आणि त्वरेने मला त्याचा जाब तुम्ही दयावा. देवा तू जर कृपावत माझ्याविषयी झालास तर तू मला नक्कीच पंढरीला बोलावणे पाठवशील. देवा माझ्याविषयी आता काहीही मनात आणू नकोस माझ्या पापाचा नाश तू कर. तुकाराम महाराज म्हणतात, देवा तुझ्या पायामधे अशी कोणती शक्ती नाही की जे तू करु शकत नाहीस.